Снегам сцежкі замяло…

Снегам сцежкі замяло…

У апошнія гады зіма  не вельмі радавала нас снегам. А сёлета, як ніколі, снежнае покрыва расце з кожным днём.

На расчыстцы дарог задзейнічана тэхніка дарожнай службы, камунгаса.

А хто дапаможа ветэранам і ўдзельнікам Вялікай Айчыннай вайны, адзінокім і адзінока пражываючым пенсіянерам? Дзеці, унукі, сацыяльныя работнікі. А яшчэ – валанцёры “Добрага сэрца” БРСМ.

– Дапамагчы пажылым людзям ачысціць двары ад снегу выйшлі вучні ўсіх школ горада і раёна, – расказвае першы сакратар райкама БРСМ Юлія Зяневіч. – Спрытна яны ўпраўляліся з рыдлёўкамі, шуфлямі. І ўсё гэта рабілі шчыра і з усмешкай.

Адным з дэвізаў маладзёжнай арганізацыі з’яўляюцца словы “Клопат пра пажылых – абавязак маладых”.

– Шмат снегу выпала, – гаворыць настаўнік працоўнага навучання Зенькавіцкай базавай школы Сяргей Навакоўскі. – Мы зрабілі добрую справу. Дзяцей не трэба было ўгаворваць, яны, пабраўшы ў рукі інвентар, накірава-ліся па вызначаных адрасах.

Васьмікласнікі хутка прачысцілі сцежкі ў двор і да дома Івана Іосіфавіча Азаркевіча, Валянціны Мікалаеўны Ліпай. Хутка справіліся са снегам каля дома былых настаўнікаў, ветэранаў працы Лідзіі Пятроўны і Канстанціна Іосіфавіча Хваляў.

Добра папрацавалі і вучні Дзешчанскай школы-сада. Іх працоўны дэсант дапамог справіцца са снежным покрывам Вользе Сцяпанаўне Прымак і Раісе Навумаўне Аксенчык з аграгарадка Дзешчанка. Не абмінулі ўвагай і дом ветэрана Вялікай Айчыннай вайны Аляксандра Рыгоравіча Курневіча ў вёсцы Цеплень.

– Хочацца выказаць словы ўдзячнасці ўсім юнакам і дзяўчатам за іх неабыякавасць, шчырыя сэрцы і жаданне прыйсці на дапамогу, – сказала маладзёжны лідар раёна. 

НА ЗДЫМКАХ: 1. Разам з юнымі памочнікамі сфатаграфавалася жыхарка аграгарадка Дзешчанка Вольга Сцяпанаўна ПРЫМАК; 2. Шчыра падзякаваў зенькавіцкім школьнікам за дапамогу Іван Іосіфавіч АЗАРКЕВІЧ; 3. За работай хлопчыкаў з усмешкай назірала настаўніца-пенсіянерка Лідзія Пятроўна ХВАЛЬ.

Оцените материал
(0 голосов)
Прочитано 4073 раз

Дополнительная информация

Официальный сайт Минской областной организации ОО «БРСМ» © 2008-2019 Интернет-портал «Молодёжь минщины». Все права защишены.

Интернет-премия «Тибо-2010» Лауреат Интернет-премии «ТИБО-2010»
Интернет-премия «Тибо-2019» Лауреат Интернет-премии «ТИБО-2019»
Интернет-премия «БРСМ-2019» Победитель Интернет-премии «БРСМ-2019»