– У лясной гаспадарцы раёна працуе шмат маладых людзей, якія з’яўляцца членамі БРСМ. Яны – пастаянныя ўдзельнікі самых розных мерапрыемстваў, што садзейнічае сацыяльнаму, культурнаму, духоўнаму і фізічнаму развіццю моладзі, рэалізацыі яе ініцыятыў і грамадскай дзейнасці, – гаворыць сакратар пярвічкі Цімур Віяленцій. – Моладзь, якая працуе ў калектыве, — добрая, ініцыятыўная, часам амбіцыйная (у добрым сэнсе слова). Хлопцы і дзяўчаты праяўляюць сябе ў розных спаборніцтвах, конкурсах прафмайстэрства, самадзейнасці, у час суботнікаў.
На рахунку членаў пярвічкі лясгаса шматлікія карысныя справы, актыўная жыццёвая пазіцыя. Таму і вынік належны – падзяка Мінскага абласнога камітэта ГА “БРСМ”.
